كبة الشيدر الصغيره

المقادير:

جبن شيدر ( الكبير ) مبشور

جبن كيري

فلفل اخضر بارد مقطع صغار

( كل المقادير حسب الكميه )

الطريقه :

-نخلط المقادير كلها مع بعض

-نشكلها على شكل اصابع صغار

-نمررها على الحليب وبعدين على الطحين

ولما نخلص الكميه كلها

-نرجع نمررها على الحليب وبعدين على البقسماط

ونسوي هالعمليه الاخيره مرتين

-نصفه كله في صينيه كبيره .. وندخله الفريزر وبعد ما يجمد

ناخذ كل الحبات ونجمعها مع بعض في كيس ونتركهم بالفريزر ( انا سويت كل 10 حبات في كيس )

علشان اقدر اعدهم .. واقدر بعدين استخدمهم عند الحاجة لهم ^__^

Turkish bread fingers

توست منزوع الاطراف

جبن مثلث او حسب الرغبه

شيرة

نفرد التوست

نحشيه بالجبن

نلف التوست .

على الجوانب نحط عجينه اللصق ( طحين + ماي )

علشان ما يطلع الجبن عند القلي ^__^"

نقلي الأصابع حتى تحمر

نصب عليها الشيره

وبس ^__^

دوائر الكيك بالدايجستف

الطبقة الاولى

كيك كاكاو جاهز( نقطعة دوائر )



الطبقة الثانيه

بسكوت دايجستف



الطبقه الثالثه

كيك كاكاو جاهز ( مقطع دوائر )



بالاخير :

نخليط ( 3جلكسي سايح +3 آرو سايح +1 قيمر )

نصبه فوق الطبقات الثلاثه



للتزيين :

جوز على كل حبه



وبس ^__^"

حلو الشعرية الباكستانية

اصبع زبدة

علبة حليب مركز محلى

2 كيس شعرية باكستانية

الطريقة


نذوب الزبده

نضيف الشعريه بعد تكسيره ونتركها حتى تحمر

نضيف الحليب مع الاستمرار في التحريك إلي ان تتشرب الشعريه الحليب

نشكيلها على حسب الرغبه (انا إستخدمت قفشة الحليب مالت اليهال وجذي طلعت ) 0

Roll sandwich

توست منزوع الطراف

ضرف دريم ويب

قيمر

كريم كراميل

3 حبات جبن كيري

للتزيين :

جوز هند او بسكوت مطحون




الطريقه :
- نخلط ( دريم ويب + قيمر + كريم كراميل +الجبن )

- نحط الخليط بالثلاجه

- نقطع التوست دوائر صغار

- نطلع الخليط من الثلاجه ونحطه حشوه للتوست ونسوي مثل الساندويش
نفس هالصوره


- نغمس ساندويش التوست بالكاكاو

- ندحرجه بجوز الهند او البسكوت المطحون


وبس ^__^"